Algerianos

راني مقنوطة على ولادي، وحد القنطة ما تأمنش. رحت قبلها نشوف ماما كانت مريضة وقلت لازم تروح للطبيب، وكنت معايا بنتي سبع سنين وولدي عام وربع شهر. قلت لبنتي: “خوّك راقد، جمعي حداه وقعدي تفرجي.” ودرتلو قرعة حليب وقلت لها: إذا ناض عطيهاله ولعبي معاه. وقلت لمرت خويا: “عينيك عليهم، حمبوك وخممي.” وما خممتش بزاف خاطر الطبيب كان بعيد على دارنا غير زوج دقايق مشي. مشينا مع ماما وشرينا الدوا، ومن بعد كي رجعت لقيت ولدي راقد ويشهق في رقادو، يبكي كيما لوكان مخنوق. قلت لبنتي: “مالك؟ علاه تبكي؟” قالتلي: “آدم ضرباتو طاطا.” في تلك اللحظة غير وليت نغلي، نغلي من الغضب والخوف. أنا ولادي ما عمرني ضربتهم لا أنا لا باباهم، ما تربّوش على الصوت. بنتي كبيرة وعاقلة، وما توصلش تدير هكذا. وولدي صغير، كيفاش...