Algerianos

نختصرلكم قصتي… في عرس صاحبتي اللي كان في “لاصال”، وفي وسط السهرة والرقص، شافني حماها وسقسى عليها: “هاديك شكون؟”. قالتلو بلي جيت مع العروسة. من بعد جاتني يماه وقالتلي: “بنتي، راكي مخطوبة؟” قلتلها: “لا لا”. قالتلي: “وليدي راكي تشوفيه؟ راه يرقص مع مرت خوّه، وعجبتيه”. بصراحة بديت نضحك وما خديتش الموضوع بجدية. بعد العرس بيومين، عيطتلي صاحبتي وقالتلي: “عجوزتي راهي تحوس على نميرو تاع يماك”. قلتلها: “خير؟”. قالتلي: “حمايا اللي شافك حاب يخطبك”. تصدمت، بصح كنت حاسبة بلي غير يقصرو وما يكملوش في الموضوع. وصاحبتي كانت ديما تهدرلي على ناس دارها وتقول بلي من نهار خطبوها وهي معاهم، وأنهم ناس ملاح ومناح. لكن كي عيطتلي باش تدي رقم ماما، قالتلي: “اخطيك من حمايا، نعرفو تاع نسا”. بصراحة خفت بزاف، ووليت نقول…