Algerianos

اسمي أسماء، عمري 28 سنة. كنت عايشة مع بابا وخويا الكبير اللي عمره حوالي 46 سنة، ومعانا مرتو وولادو. مرت خويا كانت عزيزة عليّ بزاف، نعتبرها كي أختي، وولاد خويا كانوا يموتوا عليا وأنا نموت عليهم. بابا كان كبير في السن، عندو حوالي 80 سنة، ومن بعد ما ماتت يما كان ديما يقولي: “حاب نتهنى عليك ونشوفك في دارك باش نموت مرتاح.” والحمد لله، كنا عايشين لاباس ومهنيين. بصراحة، ما كانوش يجوني الخطّابة، وحتى أنا ما كنتش ناوية نتزوج. السبب أنو كي كان عمري 20 سنة، حبيت واحد ووعدني بلي راح يخطبني، لكن بين ليلة وضحاها اختفى وما سمعت عليه حتى خبر إلى يومنا هذا. استغل مشاعري، وكي شافني نحوس على الحلال هرب. من بعدها فقدت الرغبة في الزواج وحتى في الحب، وما دخلتش في أي علاقة أخرى. لكن مع مرور السنوات، ولات كل…