Algerianos

أنا امرأة عاملة ومثقفة، متزوجة منذ أربع سنوات. من أول يوم في زواجنا، قالي راجلي: “الحياة صعيبة ولازم نتعاونوا، أمديلي الكارت بونك (Carte bancaire)، وأنا نجبد الشهرية ونخلصوا الكرا وصوالح الدار، واليد الواحدة ما تصفقش.” أنا، بحكم النية والثقة اللي تكون بين الزوجين في بداية حياتهم، عطيتو الكارت بدون تردد، وكنت نعتبر اللي نديرو شراكة مبنية على التعاون والمساندة. لكن مع مرور الوقت، بديت نحس بلي الوضع ما بقاش عادل. الشهرية تاعي كاملة كانت تروح لجيبو، وهو يصرف كيف ما يحب، يشري واش يحتاج، يبعث لداره، ويمتع روحو، بينما أنا كي نطلب حق بسيط من حقي، كيما الكسوة أو بعض أغراض العناية الشخصية والمكياج، يقولي: “أنتِ مبذرة، وما تخممي غير في الخسارة، وما تقدريش قيمة التعب.” كنت نسكت ونقول يمكن...