Algerianos

خويا فسخ خطوبتو في هذا العيد، رغم أن العرس كان مبرمج يوم 19 جويلية. السبب كان المشاكل اللي كثرت بينهم وما قدروش يتفاهمو عليها. بصراحة، العلاقة بيناتهم ما كانتش قصيرة. كانوا مع بعض سبع سنين كاملة، منهم عامين خطوبة. كانوا يحبو بعض بزاف، وحتى هي حبست قرايتها في مستوى الباك بسبب هذي العلاقة. ربي يعوضها خير إن شاء الله. أنا شخصيًا عمري ما تواصلت معاها، بصح كانت تغيضني على خاطر العشرة اللي كانت بينها وبين خويا. زوج مساكن عاشو سنوات مع بعض، وفي الأخير ما كتبش ربي النصيب. خويا قالي: “ما كاش أسبوع ما نتدابزوش فيه، ودوك خير نتفارقو قبل الزواج، على أنو نتزوجو ومن بعد لا قدّر الله نتطلقو.” هي، رغم أنها عمرها ما تواصلت معايا، عيطتلي وقالتلي: “ربي يخليك، شوفي مع خوك وقوليلو...