Algerianos

شوفو… الدعاوي بلي تخرج صح ماشي كلام فارغ. أنا بابا قبل حوالي 30 سنة تزوج وحدة ومن بعد طلقها، وصار بيناتهم مشاكل كبيرة وكلام بزاف دار وقتها، حتى وصل الأمر أنه قال عليها كلام قاسح قدّام الناس، وهي بدورها قالت بلي هو اللي ظلمها وسبّب لها أذى كبير، ومن بعدها بقات بلا زواج طول حياتها. أنا حياتي أنا ثاني ما كانتش سهلة. تعرضت لاعتداء من شخص، والعدالة خدات حقها ودخل الحبس. كنت صغيرة وعاقلة وبريئة، وما كنتش نهار ندير علاقات ولا نعرف حتى هاد الأمور، كنت صفحة بيضاء. ومن بعد عرفت قصص اللي صارت في عائلة بابا، وبدات تتأكد عندي أفكار وأحداث خلتني نربط الأمور ببعضها، وكنت دايمًا نحس بضغط كبير في حياتي. الأصعب ما كانش غير اللي صار لي، بل كيفاش تعاملت معايا بعض العائلة، المعايرات، الكلام الجارح، والضغط…