Algerianos

#قصتي 👇🏻👇🏻👇🏻 السلام عليكم، كنت نخدم في الصحراء داخل شركة أجنبية، وكانت الخلصة نتاعي ما شاء الله مليحة، بصح للأسف ما كنتش نستفاد منها في الحلال، كانت تروح غير في دعاوي الشر: سهرات مع البنات، الشراب، وكل ما هو غلط. خاوتي ما عياوش معايا بالنصيحة، بصح ما كنتش نسمع، حتى وصل بيهم الحال وكرهو من تصرفاتي. في سنة 2013 كانت الخلصة نتاعي توصل لـ12 مليون في الشهر. شريت طونوبيل، وقلبتها، وكنت كي نهبط كونجي نكون يوميًا سكران. نهار الأول كي نوصل للدار نمد لبابا ويما مصروف، ومن بعد ما يشوفونيش حتى يخلص الكونجي ونرجع للخدمة. وقعدت عايش هكذا سنوات. حتى جات فترة الكورونا، والشركة الأجنبية كملت خدمتها وقررت تروح من الجزائر. أنا كنت نخدم بالكونطرا، وكانت كاينة شركة وطنية حدانا نتعاملو معاهم. جماعة كنت…