Algerianos

السلام عليكم لبنات، عاونوني برأيكم لأنني محتارة بزاف. أنا متزوجة وعندي ثلاثة أولاد، والحمد لله راجلي من ناحية المعاملة متهلي فيا، يخرجني ويعاونني في الدار ويحترمني، وحتى الناس كامل تشهد بأخلاقه وتربيته. لكن كاين حاجة خلاتني نكرهو كره شديد وما قدرتش نتقبلها. من نهار تزوجت بيه اكتشفت بلي ما كانش يصلي، وكانت صدمة كبيرة بالنسبة لي. تعصبت بزاف وبقيت ننصحو ونعيط عليه حتى ولى يدير روحو يصلي. حتى أني خصصت ركن للصلاة في الدار، وكنت نظن بلي تاب ورجع لربي. لكن البارح ربي كشفلي الحقيقة. سمعتو يقرا سورة الفاتحة، ولما شفتو في المراية وهو ما كانش شايفني، لقيتو غير يدير روحو يصلي وهو قاعد على جهة. وحتى في صلاة الفجر، راقبتو وشفتو غير حل الماء في المغسلة وكأنو يتوضأ، بينما هو ما توضاش أصلًا. زدت...