#096L'Observatrice
أنا نسكن في بلاصة إذا الطفلة توصل 27 سنة وما تتزوجش تعتبر بايرة. وأنا وصلت 38 سنة ومازال ما تزوجتش، وخوتاتي كامل أصغر مني وتزوجو. وولّيت نحس بلي حتى العائلة تاعي كرهوني وولات تحشم بيا بسبب هاد الشي. القرية اللي نسكن فيها معقدة بزاف، قليل تلقى طفلة ماشي متحجبة، ونص البنات كامل محبوسين في الدار، يتزوجو صغار ويدخلو حياتهم بكري، إلا أنا. كنت نخدم معلمة في ابتدائية، نقري تلاميذ السنة الأولى ابتدائي. كانت يما تقولي: “حبسي الخدمة وريحي في دارك، يمكن يجيك المكتوب.” وأنا كنت نقول نكمل قرايتي ونكمل خدمتي. ومن بعد كانت تقول لي: “كملتي قرايتك، واش صدرتي؟” بديت نحس روحي ثقيلة على العائلة، وكأنني عبء عليهم. خذيت قرار أني نحبس الخدمة ونبقى في الدار، وما كانش الزواج في بالي، بصح مع الوقت وكثرة كلام…
166