#081El-Sâamta
اليوم في العشية خرجنا أنا وزوجي وبنتي الصغيرة إلى جنينة قريبة منا. كنا قاعدين عادي، هو يمرجح في بنتنا وأنا قاعدة نراقب فيهم من بعيد ونحس بالراحة شوية. بعد مدة، جاو أربع بنات في عمر 20 و21 سنة تقريبًا، كانوا لباسهم مليح ويمشيو بثقة. قعدو قريب منا وبدات بنات يلعبو في ألعاب الأطفال تاع الجنينه، مع أنهم كبار شوية على المكان، بصح عادي ما في حتى مشكل. لكن اللي لفت انتباهي هو راجلي، كان يراقب فيهم من وقت لوقت، وينقل عينو عليهم كل مرة، وبعدها ولى يبقى يشوف فيهم بطريقة خلاتني نحس بعدم الراحة. ما قلتلو والو في البداية، قلت يمكن غير توهّم مني. من بعد كي رجعنا للدار، ما قدرتش نسكت. حكيتلو وهاوشتو وقلتلو بصراحة بلي ما عجبنيش التصرف تاعو، وأنو لازم يحشم ويكون عندو حدود خصوصًا وهو مع مراتو وبنتو. هو رد…
35