Algerianos

صدقوني، والله غير في العشية ما كانش صاير حتى شيء كبير. كنا قاعدين مريحين في الحوش أنا وبابا وخاوتي وخواتاتي، الكل جالسين عادي ومرتاحين. اللي متزوجين فيهم في حياتهم، واللي مازالو معانا قاعدين نتهلاو في بعضانا. من العادة عندنا الطريق كبيرة قدام الدار، كل يوم يمرّو كورتاجات من تاع الأعراس، زغاريد وكلاكصون وضحك، حاجة عادية ما تعطيها حتى قيمة. نهارها فات واحد الكورتاج كيف العادة، وما عطيناهش اهتمام. بابا خرج يشوف شوية، ورجع للمغرب ووجهه تبدّل، عينيه ولات مغرغرة بالدموع، وبان عليه الغضب والحسرة في نفس الوقت. ما فهمنا والو، وخلعنا الحالة اللي شفناه فيها، حتى ما قدرناش نقربولو في اللحظة الأولى. تخيلو الصدمة اللي صرات… بعد شوية فهمنا بلي الكورتاج اللي فات ماكانش غريب، كان تاع عائلتنا: تاع عمتي،…