Algerianos

راجلي قالي: “نكرو عشرين يوم قدام البحر باش نريحو ونبدلو الجو شوية.” وافقت وقلت معليش، المهم نخرجو ونبدلو شوية، خاصة أني في دارنا كنا ديما نروحو للأوتيل. لكن في الأخير ظهر بلي راه داير حساب مع خوه باش يجي معانا، هو يخلص عشر أيام وخوه يخلص عشر أيام. وما وقفش الأمر هنا، زادت حتى ختو بولادها رايحة تجي. قلتلو: “نجوزو عشر أيام وحدنا، والعشر أيام الآخرين مع خوك وختك بولادها، خاطر هذي ماشي فاكونس بالنسبة ليا.” بصراحة ما نقدرش نعتبرها راحة إذا كنت مجبرة نطيب ونخدم طول الوقت ومعانا العائلة كاملة. هو غلق راسو وقالي: “أنا نجوز عشرين يوم مع خويا، وإذا كانت ختي تحب تجي، تجي معانا.” هنا أنا ثاني غلقت راسي وقلتلو: “إذا هكذا، أنا ما نروحش.” قالي: “معليش.” مع العلم أنهم كانوا مخلصين الدار وكلش....