Algerianos

سلام بنات، الله يحفظكم. اللي عندها أمها ولا جدتها كبيرة وتفهم في هاذ الأمور تسقسي لي، أنا يتيمة وما عنديش شكون نرجع له. رحت أول مرة ديت ولدي الصغير لدار عجوزتي، وهي بعيدة علينا بزاف، نروحو غير مرة في العام. لقيت أخت راجلي (امرأة كبيرة وعندها بنات متزوجات وأحفاد) قاعدة في الدار. سلمت عليها وقعدنا نهدروا شوية. بعدها راحت وجابت حفيدتها (بنت بنتها) من شمبرة أخرى، كانت راقدة. دخلتها وبدات تقعدها معنا، وكي نعس ولدي في حجري، خذيتو باش نرقدو في شمبرتي. لكن من بعد، رجعت نفس الطفلة ودخلتها عليا وهي فوق ولدي، وقالتلي: “جبتها لك تشوفيها!” أنا قلتلها: راه نرقدو، شفتوها معاكم. بصح عاودت نفس الحركة ثلاث مرات، تحطها فوق ولدي وهو راقد، ومن بعد خذاتها وراحت. من ذاك النهار، ولدي حبّس...