Algerianos

عندي أخت زوجي راحت عروسة العام اللي فات، ودارو العرس في داري، يعني خرجوها من عندي كعروسة. وأنا ثاني عروسة وما كان بين عرسي وعرسها غير 7 شهور. يمكن تقولو موسوسة، بصح أنا ما نيش مرتاحة من نهارها. في يوم دخلت على غفلة لغرفة عجوزتي، ولقيتها تكسر البيض على رجليها. كي شافوني، تبدّلوا كامل وكأنهم حبّو يخفو حاجة. من ذاك النهار وأنا حاسة بلي دارنا تبدلات، وكأن البركة راحت. زاد على هذا، صرات بيني وبين راجلي مشاكل ما كانتش من قبل، وحتى حنا ما عندناش أولاد. حسّيت كل شيء تبدل فجأة في حياتنا. أخت زوجي حتى هي بدلت عليا، ما بقاتش تهدر معايا، وبدلت الرقم تاعها وما عطتنيش الجديد، وكأنها قطعت العلاقة بلا سبب. كي سألتها قالتلي: “عادي، كل عروسة عندها حياتها، وما تدخلوش على بعضاكم.” بصح أنا...