Algerianos

راجلي قالي: “نكريو دار عشرين يوم قدام البحر، نريحو ونبدلو الجو شوية.” بصح من البداية قالي بلي أنا اللي نطيب ونتكفل بالأكل. قلت في نفسي: “معليش، المهم نخرج من الروتين ونبدل الجو شوية.” خاصة أنني في العادة كنت نفضل نروح للأوتيل في العطل. في الأخير، اكتشفت بلي كان داير حسابو يروح هو وخوه، ويتقاسموا المصاريف، هو يخلص عشرة أيام وخوه يخلص عشرة أيام. وما وقفش الأمر هنا، زاد قال بلي ختو راح تجي هي ثاني مع أولادها. قلتلو: “علاش ما نجوزوش عشرة أيام وحدنا أنا ونتا والذراري، والعشرة أيام الآخرين تجي فيهم ختك وخوك؟ بصح أنا ما نقدرش نجوز العشرين يوم كاملين هكا. هذي ماشي فاكونس بالنسبة ليا.” هو غلق راسو وقال: “أنا نجوز عشرين يوم مع خويا، وإذا ختي حبت تجي، تجي.” وأنا ثاني تمسكت بموقفي وقلتلو:...