Algerianos

عندي زوج عامين. قبل عرسي بخمسة أشهر، خويا وولد عمي حرّقو لإسبانيا بحثًا عن مستقبل أفضل. نهار عطاونا السكن، جات ماما ومرت عمي وعمي وبنتهم يباركولنا. كنا قاعدين نحكيو عادي، حتى جبدنا سيرة خويا وولد عمي اللي راهم في إسبانيا. قالت ماما: “والله ضيعو حياتهم، لوكان قعدو هنا خير من التمرميد اللي راهم فيه.” في وسط الهدرة، قال راجلي: “إذا عيطولكم واحتاجو مساعدة، قولولي. واش من بلاصة بالتحديد في إسبانيا؟ بلاك نقدر نعاونهم.” ضحكت مرت عمي وقالتلو: “رجالة تما بكوارطهم وما قدروش يعاونوهم، وانت؟” ما كملتش هدرتها وسكتت، لكن راجلي فهم المقصود. هو أصلاً إنسان ساكت وما يحبش يهدر بزاف، بصح كي شافهم في الدار حب يفتح موضوع ويسأل. قالو عمي: “وكيفاش تقدر تعاونهم؟” قالهم: “بالشي اللي نقدر عليه.” ومن...