#118Philosophe
سلام عليكم، أنا مهندس معمارني عندي عامين ملي تخرجت. عقبت كونسكور في مؤسسة عمومية كبيرة، قريت وسهرت وحفظت القانون تاع العمران عن ظهر قلب. يوم الامتحان جاوبت ممتاز وكنت متأكد بلي اسمي من الأوائل. كي خرجت النتيجة، لقيت اسمي في قائمة الانتظار، واللي نجحوا هما زوج عباد نعرفهم يقراو معايا، واحد منهم كلاسى الأخير في الدفعة وما يعرفش يرسم خط مستقيم! بعد شهر عرفت بلي عمو مدير في وزارة وفلان الأخر باباه بيزنيسمان معروف. نحس بالمرارة كي تشوف قرايتك وتعبك يتدردك عليه بالدراهم والمعارف. درك راني نخدم في شانطي شانات تاع الماصون باش نقتات، وحلمي تاع المهندس يموت كل يوم. واش ندير باش ما نهبلش؟
Répondre en tant que →
···