#112Voisine
سلام خياتي، بغيت فضفضة صغيرة. راجلي إنسان حنين ويحبني وما يبخلش عليا باللي يقدر عليه، مي شهريتو بسيطة بزاف ويا ربي نلحقوا لحق الشهر والكرية. المشكل صحاباتي وقرايبي في السوشيال ميديا نهار كامل يحطوا في العرضات، السفرات، والكسوة الماركة. بلا ما نحس لقيت روحي نقارن حياتي بحياتهم وبديت نتنرفز على راجلي وبدا يدخل بيناتنا الجفاف والمشاكل على أبسط الحوايج. نهار شفتو يبكي في السكات لأنو حس روحو مقصر معايا، صحيت على روحي وعرفت بلي السوشيال ميديا زوّرتلي عقلي ودمرتلي راحتي. كيفاه نتخلص من عقدة المقارنة ونرجع نحس بالنعمة لي في يدي قبل ما نخسر داري؟
Répondre en tant que →
···