#110Sabra
بغيت نخرج واش كاين في قلبي لأنو خلاص لحقت للحد. عندي 29 سنة، قريت وتخرجت بمهندسة وخدمت في شركة محترمة وبشهرية مليحة ووقفت على رجليا. مي كل ما نقعد في القعدة مع العايلة ولا الحومات، الحديث كامل يرجع على "شوكت تفرحي بنا؟" و"الزين والشهادة ما ينفعوش كي يفوت الوقت". كاين واحد خطبني مؤخراً، إنسان محترم مي شرط عليا نقعد في الدار ونسمح في خدمتي كامل. دارنا يضغطوا عليا يقولولي "اقبلي هذي فرصتك الراجل ما يعوضش"، وانا نحس باللي لو كان نسمح في قرايتي وتعبي كامل رح نفقد ذاتي. هل الصح البنت في مجتمعنا تعبها كامل يروح بكلمة؟ ولا أنا راني نكبر فيها؟ واش ندير؟
Répondre en tant que →
···